Бишкек, 03.11.25. /Кабар/. Бүгүн Нарын шаарында Кыргыз милициясынын түзүлгөндүгүнүн 101 жылдыгына арналган салтанаттуу иш-чара өттү.
Президенттин аймактагы өкүлчүлүгүнөн билдиришкендей, анда өлкө башчысы Садыр Жапаров тарабынан берилген 7 кызматтык унаа Нарын облустук ички иштер башкармалыгына тапшырылды.
Иш-чаранын жүрүшүндө кызматтык милдетин үлгүлүү аткарып, ишинде жогорку көрсөткүчтөргө жетишкен бир катар кызматкерлерге ыйгарым укуктуу өкүл төш белгилерди, Ардак грамоталарды жана ыраазычылык каттарды тапшырды.
