Бишкек, 21.03.26. /Кабар/. Учурда Нарын облусунда көптөгөн курулуш иштери жүрүп жатат, жалпысынан 143 курулуш долбоору ишке ашырылууда.
Аны менен катар, акыркы 5 жылда Нарында 51 социалдык объект бүткөрүлүп, пайдаланууга берилди. Анын ичинде:
- 21 мектеп;
- 8 бала бакча;
- 3 оорукана;
- 9 спорт зал;
- 2 мамлекеттик мекеме.
Бүгүнкү күнгө чейин аткарылып жаткан бардык жумуштарга болжол менен 25 млрд сом багытталды.
Ошондой эле быйыл жыл аягына чейин жалпысынан 260 чакырым жолду оңдоп-түзөө жана иретке келтирүү пландалууда.
Мындан сырткары, президент Садыр Жапаровдун Турукташтыруу фондунун каражатынын эсебинен маданият үйүнүн курулушу жүрүп жатат.
