Бишкек, 18.03.26. /Кабар/. Мирланбек Байгончоков эмгек, социалдык камсыздоо жана миграция министринин орун басары болуп дайындалды. Бул тууралуу ведомстводон маалымдашты.
Тиешелүү тескемеге министрлер кабинетинин төрагасы Адылбек Касымалиев кол койду.
Күн мурун президенттин жана министрлер кабинетинин чечимдерин даярдоо боюнча башкармалыгынын тармактык саясат бөлүмүнүн башкы эксперти Улан Султанбаев эмгек жамаатына жаңы орун басарды тааныштырды.
Белгилей кетсек, буга чейин бул кызматты Бакыт Дарманкул уулу аркалап келген. Ал эми Мирланбек Байгончоков Бишкек шаарынын мэринин биринчи орун басары болуп иштеген.
