Бишкек, 10.02.26. /Кабар/. Мектептерде окуучулар ашыкча жүктөм менен окуган өлкөдөгү район менен шаарлар Агартуу министрлигинин өткөн жылдын жыйынтыгын чыгарган коллегиясында аталды.
Маалымдалгандай, Бишкек, Ош, Манас шаарларында жана өлкөнүн ар кайсы облустарындагы 7 райондо окуучулардын саны нормадан ашык.
Алар, Чүй облусунун Сокулук району, Ош облусунун Өзгөн, Кара-Суу, Ноокат райондору, Жалал-Абад облусунун Базар-Коргон, Сузак райондору жана Баткен облусунун Кадамжай району.
Ал эми Чүй облусунун Кемин районундагы мектептерде тескерисинче 2 миң 113, Баткен облусунун Сүлүктү районундагы мектептерде 1 миң 342 орун бош экендиги айтылды.
Ошондой эле коллегиянын жүрүшүндө Бишкек шаарынын мэри Айбек Жунушалиев калаада балдар жашаган аймагындагы мектептерге баруусу зарыл экендиги белгиленди. Калаа башчысынын айтымында, бул борбордогу жол тыгынын азайтууга өбөлгө болмокчу.
Эскерте кетсек, бүгүн Агартуу министрлигинин 2025-жылдын жыйынтыгы боюнча коллегиясы өтүүдө.
