Бишкек, 18.01.26. /Кабар/. Илим, жогорку билим берүү жана инновациялар министрлиги педагогикалык кадрларды даярдоо системасын трансформациялоо шартында педагогикалык билим берүүнүн моделин талкуулоо боюнча кеңешме өткөрдү.
Кеңешмеге илим министринин орун басары Нурлан Өмүрөв, агартуу министринин орун басары Надира Жусупбекова, ошондой эле тиешелүү адистер жана кызыкдар уюмдардын жана жогорку окуу жайлардын өкүлдөрү катышты.
Кеңешменин жүрүшүндө Нурлан Өмүрөв каралып жаткан маселе боюнча презентация сунуштады.
Катышуучулар педагогикалык кадрларды даярдоонун жаңы моделин жаңылоонун негизги ыкмаларын, ошондой эле билим берүүнүн ар кандай деңгээлдериндеги стандарттардын өз ара шайкештигин камсыз кылуу маселелерин талкуулашты.
Талкуунун жыйынтыгында тараптар орто, жогорку кесиптик жана мектептик билим берүүнүн мамлекеттик билим берүү стандарттарын синхрондоштуруу боюнча мындан аркы өз ара аракеттенүүнү жана макулдашылган чечимдерди иштеп чыгууну макулдашты.
