Бишкек, 22.07.26. /Кабар/. Манас шаарында алты жаңы мектеп курулууда. Алардын бири — №13 Роза Азимбаева атындагы мектепке кошумча салынып жаткан 528 орундуу жаңы окуу корпусу.
Курулуш министрлигинен билдиришкендей, мектептин курулушу 2026-жылдын март айында башталган. Бүгүнкү күндө үч кабаттуу имараттын негизги конструкциялары тургузулуп, учурда чатырын жабуу жана ички шыбак иштерин аткаруу жүрүп жатат.
Долбоор боюнча мектеп беш блоктон туруп, жалпы аянты 2 846 чарчы метрди түзөт. Анда негизги окуу класстары, лабораториялар, китепкана, ашкана, дарыгердин бөлмөсү, жыйындар залы, эмгек класстары жана спорт залы жайгашат.
Жаңы окуу корпусу пайдаланууга берилгенден кийин эки мөөнөттө 1 000ден ашуун окуучунун билим алуусуна шарт түзүлөт.
