Бишкек, 01.10.25. /Кабар/. Манас шаарына президенттин "Акылман" лицейин куруу пландалууда. Бул тууралуу "Кабар" агенттигине мэриянын басма сөз кызматынын жетекчиси Кабылбек Көчкөнбай уулу билдирди.
Анын маалыматына караганда, аталган лицей шаардын Р.Азимов көчөсүнө курулат.
"Лицейдин жнын жалпы аянты 2,4 гектарды түзүп, 360 орундуу болмокчу. Анда 3 кабаттуу окуу имараты, спорт зал, 25 метрди түзгөн бассейн, 420 орундуу жатакана, 280 орундуу жыйындар залы, мугалимдер үчүн 25 батир курулат", - деди ал.
Белгиленгендей, курулуш иштери КР Турукташтыруу фондунан каржыланат.
