Бишкек, 10.10.26. /Кабар/. ”Манас“ улуттук академиясы ”Манас“ эпосун мамлекеттик мекемелерде таанытуу долбоорун баштады.
Академиядан билдиришкендей, алгачкы иш-чара Коргоо министрлигинде өттү.
Долбоор мамлекеттик кызматкерлерди улуу эпостун мазмуну жана баалуулуктары менен тааныштырууга багытталган. Иш-чаранын жүрүшүндө санариптик музейлер, даректүү тасмалар жана министрликтин иш багытына байланышкан темалар боюнча презентациялар көрсөтүлдү.
Ошондой эле академиянын президенти Назира Аалы кызы долбоор тууралуу маалымат берип, академия чыгарган китептерди Коргоо министрлигине тапшырды.
Долбоор мындан ары башка министрликтерде жана мамлекеттик агенттиктерде да улантылат.
