Бишкек, 19.03.26. /Кабар/. Манас шаарынан Багыш айылына чейинки унаа жолдун курулуш иштери кызуу жүрүүдө. Бул тууралуу Транспорт жана коммуникациялар министрлигинен билдиришти.
Маалыматка ылайык, жалпы узундугу 12,4 чакырымды түзгөн бул жол мурдагы эски темир жолдун ордуна салынууда.
Учурда курулуштун алкагында эски темир жол конструкциялары алынып, жолдун негизин даярдоо жана тегиздөө иштери жүргүзүлүүдө. Адистер тарабынан бардык техникалык талаптар сакталып, иштер өз нугунда аткарылып жатат.
Белгилей кетсек, аталган унаа жол 4 тилкелүү болуп курулат.
