Бишкек, 01.04.25. /Кабар/. Малайзиянын Субанг-Жая шаарында газ түтүгү жарылып, 112 адам жабыркады.
ТАСС кабарлагандай, жабыркаган жарандардын 63ү ооруканага жаткырылды.
Маалыматка караганда, мындан сырткары тилсиз жоодон шаардагы 47 үй жабыркаган. Түтүк мамлекеттик энергетикалык компания Petronas`га таандык болгон.
Компания өкүлдөрү окуядан улам жакын жерде жайгашкан май куюучу жайларга зыян келтирилбегенин айтышты.
Учурда издөө-куткаруу иштери уланууда.
