Кыргызгидромет кызматы 8–14-апрелге карата аба ырайынын божомолун жарыялады. Ага ылайык, бул аптада күн сууктап, аба ырайы туруксуз болот.
Чүй жана Талас облустары:
- 8–9-апрель: Көпчүлүк аймактарда жаан жаап, күн күркүрөйт, тоолуу райондордо кар жаайт. Айрым жерлерде жаан-чачын мол болушу мүмкүн.
- 10-апрель: Айрым жерлерде жаан жаап, күн күркүрөшү күтүлөт, тоолордо кар жаайт.
- 11–12-апрель: Түнкүсүн жаан-чачын күтүлбөйт. Күндүз айрым жерлерде, өзгөчө тоо этектеринде жаан жаап, күн күркүрөшү мүмкүн. Өрөөндөрдө негизинен кургак болот.
- 13-апрель: Айрым аймактарда жаан жаап, күн күркүрөйт, тоолордо кар жаайт.
- 14-апрель: Тоолуу райондордо кар жаайт, дыйканчылык аймактарда жаан-чачын күтүлбөйт.
Ош, Жалал-Абад жана Баткен облустары:
- 8–9-апрель: Көпчүлүк аймактарда жаан жаап, күн күркүрөйт, тоолуу райондордо кар жаайт. Айрым жерлерде жаан-чачын катуу жаашы ыктымал.
- 10–11-апрель: Түнкүсүн негизинен жаан-чачын болбойт, күндүз айрым жерлерде жаан жаап, күн күркүрөшү мүмкүн.
- 12-апрель: Күндүз көпчүлүк аймактарда жаан жаап, күн күркүрөйт, тоолуу райондордо кар жаайт. Түнкүсүн Ош менен Баткендин айрым жерлеринде жаан жаашы мүмкүн.
- 13–14-апрель: Айрым жерлерде жаан жаайт. 14-апрелде тоолуу райондордо кар жаап, дыйканчылык аймактарда жаан-чачын күтүлбөйт.
Ысык-Көл жана Нарын облустары:
- 8-апрель: Түнкүсүн жаан-чачын күтүлбөйт. Күндүз Нарындын айрым жерлеринде жаан жаап, күн күркүрөйт, тоолордо кар жаашы ыктымал.
- 9-апрель: Тоолуу райондордо кар жаайт. Күндүз Ысык-Көлдүн айрым жерлеринде, ал эми Нарындын көпчүлүк аймактарында жаан жаашы күтүлөт.
- 10-апрель: Көпчүлүк аймактарда жаан жаап, күн күркүрөйт, тоолордо кар жаайт. Айрым жерлерде жаан-чачын катуу жаашы мүмкүн.
- 11–13-апрель: Айрым жерлерде жаан жаап, күн күркүрөйт, тоолордо кар жаайт.
- 14-апрель: Тоолуу райондордо кар жаайт, дыйканчылык аймактарда жаан-чачын болбойт.
