Бишкек, 16.09.25 /Кабар/. Күздүн алгачкы күндөрүндө Чүй дарыясынын нугунда, Нарын менен Ысык-Көлдүн чек арасында жайгашкан Орто-Токой суу сактагычы жаңы өңгө боёлот. Фотограф Влад Ушаков социалдык тармактарда суу сактагычта тартылган көз жоосун алган сүрөттөрү менен бөлүштү.
Бул жер жаратылыштын кооздугун гана эмес, өткөн кылымдын орто ченинде курулган Кыргызстандын биринчи чоң суу сактагычынын узак тарыхын айтып турат. Суу сактагыч Чүй өрөөнүнүн жашоосун өзгөртүп, дыйканчылыкка жол ачкан.
Бүгүнкү күндө Орто-Токой саякатчыларды өзүнө тартып, ар бир мезгил анын сырткы көрүнүшүнө жаңы түстөрдү кошуп, кооздойт. Күз өзгөчө маанай тартуулап, жымжырттык өкүм сүрөт.
