Бишкек, 26.03.25. /Кабар/. Кыздар арасында волейбол боюнча өлкө чемпионаты өттү.
Мэриядан билдиришкендей, Олимпиадалык резервдеги адистештирилген балдар-өспүрүмдөр спорттук оюндар мектебинин тарбиялануучулары Караколдо өткөн Кыргызстандын волейбол боюнча чемпионатында жеңишке жетишти.
Мелдешке 16 жашка чейинки кыздар катышып, 11 команда өлкөнүн ар кайсы аймактарынан келип, чемпиондук наам үчүн таймашты.
Жыйынтыктар:
1-орун – Бишкек (ОРАБӨСОМ);
2-орун – Ысык-Көл облусу;
3-орун – Ош.
Чемпионат жогорку деңгээлде өтүп, жаш волейболчулар жеке чеберчиликтерин жана командалык ынтымагын көрсөтүштү.
"Бул мелдеш алардын спорттук карьерасында маанилүү этап болуп, чеберчилигин жакшыртууга жана келечектеги турнирлерге даяр болууга мүмкүнчүлүк берди",-деп айтылат маалыматта.
