Бишкек, 26.08.26. /Кабар/. Ат-Башы районунда күз-кышка даярдык көрүүнүн алкагында электр тармактарын реконструкциялоо иштери жүрүп жатат.
Нарын электр тармактар ишканасынан билдиришкендей, учурда анын Кара-Булуң, Кызыл-Туу, Погранич, Калинин, Терек-Суу, Ак-Моюн жана Ат-Башы айылдарында 14,5 чакырым 10/0,4 кВ аба чубалгысы жаңыланууда.
Ошондой эле эски жыгач мамыларды алмаштыруу үчүн 443 темир-бетон мамы орнотулат. Учурда анын 96сы орнотулду.
Мындан тышкары, электр энергиясына болгон керектөөнүн өсүшүнө байланыштуу 400 кВАлык 4 трансформатор жаңыланып, кошумча кубаттуулук кошулат.
