Бишкек, 17.03.25. /Кабар/. Кыргыз-Орус Славян университети, Кыргыз-Түрк "Манас" университети жана И.Раззаков атындагы Кыргыз мамлекеттик техникалык университети планетанын 1500 мыкты жогорку окуу жайлары кирген QS World University Rankings 2025 рейтингине жайгашты.
Рейтинг жогорку окуу жайлардын позициясын абсолюттук балл менен эмес, диапозондор боюнча аныктайт. Бул академиялык репутациясы, иш берүүчүлөрдүн пикири, илимий материалдар жана башка көрсөткүчтөрдү, көптөгөн факторлорду эске алган методология менен байланышкан.
QS World University Rankings 2025 рейтингине ылайык, КОСУ 851-900 диапазону менен Кыргызстандын мыкты ЖОЖу болду. "Манас" университети 901-950 диапазонуна жайгашты, ал эми КМТУ - 1201-1400 диапазонун ээледи.
Белгилей кетсек, Славян университети менен КМТУ бул рейтингге биринчи жолу кирди.
