Бишкек, 16.02.26. /Кабар/. Кыргызстандык окуучулар INFO1CUP эл аралык информатика олимпиадасында жогорку жыйынтык көрсөтүштү. Бул тууралуу Агартуу министрлигинен билдиришти.
Мелдешке Кыргызстандан 8 окуучу катышып, 7 медаль жеңип алды. Ал эми бир катышуучу сертификатка ээ болду.
Алтын медаль алгандар:
- Абдуллахан Абдирасулов — 10-класс, "Сейтек STEM" мектеби;
- Рамазан Мананов — 10-класс, "Сейтек STEM" мектеби.
Күмүш медаль алгандар:
- Саид Жаныкеев — 10-класс, "Сейтек STEM" мектеби;
- Эмирхан Сыдыков — 8-класс, "Газпром Кыргызстан" мектеби.
Коло медаль алгандар:
- Бектен Абдувалиев — 8-класс, International School of Kyrgyzstan;
- Азирет Исраилов — 9-класс, Intellect School;
- Аруубек Баимырзаев — 9-класс, "Акылман" президенттик лицейи.
Катышкандыгы үчүн сертификат:
- Актан Мавлянов — 9-класс, Intellect School.
Белгилей кетсек, олимпиада 7-8-декабрь күндөрү Румыния мамлекети тарабынан өткөрүлгөн. Ага Армения, Азербайжан, Болгария, Египет, Грузия, Венгрия, Израиль, Италия, Кыргызстан, Румыния, Сербия, Сирия, Түркмөнстан, Украина, Улуу Британия жана Өзбекстандан жалпы 189 окуучу катышты.
