Бишкек, 30.07.26 /Кабар/. Кыргызстандык окуучулар Литванын Каунас шаарында өткөн информатика боюнча 10-Европалык өспүрүмдөр олимпиадасында (EJOI-2026) бир күмүш жана бир коло медаль жеңип алышты.
Агартуу министрлигинин маалыматына ылайык, күмүш медалды Intellect Pro School мектебинин 10-классынын окуучусу Азирет Исраилов, ал эми коло медалды "Газпром Кыргызстан" мектебинин 9-классынын окуучусу Арлан Саят жеңип алды.
Ошондой эле Эмирхан Сыдыкбаев менен Бектен Абдувалиев олимпиадада ийгиликтүү көрсөткүчтөрү үчүн ардак грамоталарга татыды.
Белгилей кетсек, EJOI-2026га 25 өлкөдөн 15 жашка чейинки мектеп окуучулары катышкан. Кыргызстандын атынан олимпиадага төрт окуучу күч сынашты.
