Бишкек, 06.11.25. /Кабар/. 11 продукцияга "Нарын бренди" белгиси берилди. Мындай чечим облус жетекчисинин биринчи орун басары Руслан Сапарбековдун катышуусунда өткөн "Нарын бренд" комитетинин кезектеги жыйынында кабыл алынды.
Президенттин аймактагы өкүлчүлүгүнөн билдиришкендей, жыйынга "Бир айыл - бир продукт" долбоорунун жетекчиси Акихиса Харагучи, Өзгөчө кырдаалдар министрлигинин KG RESILAND долбоорунун 2-компонентинин координатору Нурбек Жумалиев, БУУнун Дүйнөлүк азык-түлүк программасынын Нарын облусундагы программалык ассистенти Кундуз Курманбаева жана башка тиешелүү кызматтардын өкүлдөрү, ишкерлер катышты.
Жыйында жергиликтүү ресурстарды колдонуу менен өндүрүлгөн 11 продукция тандалып алынып, “Нарын бренддинин” сертификаттары тапшырылды.
- Кремдүү топоз рагусу - Акматов Кубан;
- “Көчмөндөр” пиццасы - Торгоева Жибек;
- Сафлор майы - Менсетбек Жакшылыков;
- “Ак-Талаа” эрте жаздагы балы - Артыков Мамбеткалый;
- “Жумгал” эспарцет балы - Асейин уулу Нурдин;
- Кургатылган эт - Сайнидинов Стан;
- Алма кагы - Мамбеталиев Улук;
- “Кызыл туз” ооз чайкагычы- Кудайбергенов Улан;
- Сүзмө печеньеси - Нуракова Асел;
- Ышталган чучук - Казыбаев Максат.
Белгилей кетсек, иш-чаранын негизги максаты - аймактык бренддерди өнүктүрүү, жергиликтүү өндүрүүчүлөрдү колдоо жана алар чыгарган продукцияларга “Нарын бренди” соода белгисин ыйгаруу болуп саналат.
