Бишкек, 18.05.26. /Кабар/. 18-22-май күндөрү Кыргызстанда Тажикстандын маданият күндөрү өтөт.
Маданият, маалымат жана жаштар саясаты министрлигинен билдиришкендей, маданият күндөрүнө катышуу үчүн Тажикстандын 94 адамдан турган расмий жана чыгармачыл делегация келди.
"Бүгүнтөн тарта маданий иш-чаралар расмий түрдө башталып, анын алкагында концерттик программалар, сүрөт көргөзмөлөрү, илимий-адабий жолугушуулар жана көркөм тасмалардын көрсөтүлүшү уюштурулат. Ошондой эле улуттук маданиятты, көркөм өнөрдү жана эки элдин руханий баалуулуктарын даңазалаган бир катар жолугушуулар өтөт", - деп айтылат маалыматта.
Белгилей кетсек, маданият күндөрү эки элдин маданий алакаларын бекемдеп, достук мамилелерди дагы да тереңдетүүгө багытталган.
