Бишкек, 10.04.26. /Кабар/. Кыргызстанда пенсионерлердин 95%ы жашоо минимумунан жогору пенсия алат. Бул тууралуу президент Садыр Жапаров бүгүн, 10-апрелде Ош шаарынын тургундары менен жолугушканда билдирди.
Мамлекет башчысы белгилегендей, өлкөнүн пенсиялык системасында дагы ырааттуу өсүш бар.
“Эгер 2021-жылы пенсионерлерибиздин 49 пайызы жашоо минимумунан төмөн пенсия алып келген болсо, бүгүнкү күндө алардын 95 пайызы жашоо минимумунан жогору пенсия алышат”, - деди президент.
