Бишкек, 27.10.25. /Кабар/. Президент Садыр Жапаров 20-октябрда IV Элдик курултайды өткөрүү жөнүндө жарлыкка өзгөртүү киргизди.
Ага ылайык, Элдик курултайдын өтө турган күнү өзгөрдү.
Эми курултай Бишкек шаарында 25-декабрда өтөт. Буга чейин 22-декабрга белгиленген.
Курултайга жалпысынан 700 делегат катышат. Делегаттарды шайлоо, курултайды өткөрүү жана координациялоо үчүн уюштуруу комитети түзүлгөн.
Белгилей кетсек, Элдик курултай 2022-жылдан тартып өткөрүлө баштаган. Быйыл төртүнчү ирет уюштурулат.
