Бишкек, 07.04.26 /Кабар/. Кыргызстанда 2025-жылы үй-бүлөлүк зомбулук боюнча 656 кылмыш иши козголгон. Бул тууралуу башкы прокурор Максат Асаналиев Жогорку Кенештин тармактык комитетинин жыйынында Башкы прокуратуранын 2025-жылдагы ишмердүүлүгү боюнча отчет берип жатып билдирди.
Анын айтымында, зомбулуктун кесепетинен 458 аял, 104 бала жана 94 эркек жабыркаган.
Мындан тышкары, аныкталган мыйзам бузуулар боюнча үй-бүлөлүк зомбулукка тиешеси бар жарандарга карата 6 018 протокол түзүлгөн.
