Ташкент, 29.03.25. /Кабар/. 2025-жылдын январь-февраль айларында Кыргызстанга туристтик максатта 422 миң 572 өзбекстандык жаран барган. Бул тууралуу Өзбекстан президентинин алдындагы Статистика агенттиги билдирди.
Көрсөтүлгөн мезгилде Өзбекстандын жарандары төмөнкү өлкөлөргө туристтик максатта сапар алышкан:
- Тажикстан – 193 348 адам,
- Казакстан – 154 716,
- Сауд Арабиясы – 81 173,
- Россия – 48 029,
- Түркия – 33 039,
- БАЭ – 31 787,
- Египет – 11 078,
- Таиланд – 10 800,
- Вьетнам – 7 876,
- Башка өлкөлөр – 37 740.
Жалпысынан, 2025-жылдын январь-февраль айларында 1 миллиондон ашык өзбекстандык турист чет өлкөгө чыккан. Өткөн жылдын ушул мезгилине салыштырмалуу алардын саны 182,2 миң адамга, же 21,4%га көбөйгөн.
