Бишкек 01.07.25. /Кабар/. Кыргызстан менен Кытай коомдук коопсуздук тармагындагы кызматташтыкты бекемдөөдө. Бул тууралуу бүгүн ички иштер министринин орун басары Октябрь Урмамбетовдун Кытайдын Шэньси провинциясынын коомдук коопсуздук департаментинин башчысынын орун басары Ян Шанвэй жетектеген делегация менен жолугушуусунда маалым болду.
Ян Шанвэй жетектеген кытайлык делегация 30-июндан 2-июлга чейин расмий сапар менен Кыргызстанга келген.
Жолугушууда эки тараптын укук коргоо органдарынын ортосундагы кызматташууну чыңдоо жана тажрыйба алмашуу маселелери талкууланды.
Ошондой эле коомдук тартипти камсыз кылуу, укук бузуулардын алдын алуу жана кызматкерлердин кесиптик даярдыгын жогорулатуу боюнча өз ара аракеттенүүнү кеңейтүү мүмкүнчүлүктөрүнө өзгөчө көңүл бурулду.
