Бишкек, 11.09.26. /Кабар/. Эгемендүүлүк күнүн майрамдоо учурунда Талас облусунда заманбап санариптик технологиялардын жардамы менен коомдук тартип жана жарандардын коопсуздугу жогорку деңгээлде камсыздалууда.
ИИМден билдиришкендей, шаар аймагында жана эл көп чогулган борбордук жайларда орнотулган акылдуу видеобайкоо камералары сутка бою үзгүлтүксүз иштеп, кырдаалга онлайн түрүндө мониторинг жүргүзүүдө.
Санариптик көзөмөлдүн негизги артыкчылыктары:
- стратегиялык маанилүү аймактардагы жана коомдук жайлардагы кырдаалды реалдуу убакыт режиминде көзөмөлдөө;
- транспорт агымын тартипке келтирүү жана жол кырсыктарынын алдын алуу.
- майрамдык салтанаттар учурунда тартип бузууларга дароо реакция жасоо мүмкүнчүлүгү.
"Учурда Ички иштер органдарынын кызматкерлери тургундардын жана коноктордун коопсуздугу үчүн күчөтүлгөн тартипте кызмат өтөөнү улантууда",-деп айтылат маалыматта.
