Бишкек, 30.06.26. /Кабар/. Министрлер кабинетинин төрагасынын орун басары – суу ресурстары, айыл чарба жана кайра иштетүү өнөр жайы министри Эрлист Акунбеков Америка Кошмо Штаттарынын Кыргызстандагы элчиси Лесли Вигери менен жолукту.
Жолугушууда соода-экономикалык багытындагы эки тараптуу кызматташуу маселелери сүйлөшүлүп, маектешүүдө өзгөчө айыл чарба тармагына басым жасалды.
Анда Кыргызстан менен Американын ортосундагы өз ара пайдалуу жана келечектүү багыттар боюнча кызматташууну мындан ары дагы өнүктүрүү белгиленди.
Ал эми, Кыргызстандын айыл чарба продукциясын экспорттоонун көлөмүн көбөйтүү каралды, анда кыргызстандык өндүрүүчүлөргө АКШ рыногуна чыгууга көмөк көрсөтүү, сертификация, фитосанитардык талаптар, сапат жана таңгактоо стандарттарына байланышкан маселелери сүйлөшүлдү.
Бул үчүн заманбап техника жана технология менен камсыз кылуу маанилүү деп белгиленди.
Тараптар бул багытта тыгыз байланышта болууга макулдашты.
