Бишкек, 08.06.26. /Кабар/. Кыргызстан мамлекеттик кызматка кадрларды тандоо системасын өркүндөтөт. Бул тууралуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктен билдиришти.
Маалыматка ылайык, бүгүн Бишкекте агенттиктин директору Элчибек Жантаев менен Япониянын Эл аралык кызматташтык агенттигинин (JICA) Кыргызстандагы туруктуу өкүлү Нишигата Котаро мамлекеттик кызматка тандоо системасын чыңдоо боюнча долбоорду ишке ашыруу тууралуу протоколго кол коюшту.
Долбоор мамлекеттик кызматка кадрларды тандоо системасын өркүндөтүүгө, компьютердик тестирлөөнү модернизациялоого жана талапкерлердин мыйзамдарды практикада колдонуу жөндөмдөрүн баалоо механизмдерин жакшыртууга багытталган.
Тараптар бул кызматташтык мамлекеттик кызматтын натыйжалуулугун жогорулатууга жана кесипкөй кадрларды тандоо системасын өнүктүрүүгө өбөлгө түзөрүн белгилешти.
