Бишкек, 16.11.26. /Кабар/. Тышкы иштер министринин орун басары Кайрат Турсункулов Исламабад шаарында өткөн Экономикалык кызматташтык уюмунун (ЭКУ) Тышкы иштер министрлер кеңешинин 30-жыйынына катышты.
Тышкы саясий ведомствонун маалыматына ылайык, жыйында соода-экономикалык, транспорттук-логистикалык, энергетикалык жана гуманитардык кызматташтыкты өнүктүрүү маселелери талкууланды.
Кайрат Турсункулов Кыргызстандын ЭКУнун алкагында кызматташтыкты чыңдоого кызыкдар экенин белгилеп, соода байланыштарын кеңейтүү жана биргелешкен инфраструктуралык, энергетикалык долбоорлорду ишке ашыруу маанилүү экенин айтты.
Ошондой эле ал ЭКУнун баш катчысы Асад Мажид Хан жана АӨИЧКнын баш катчысы Султан Хаджиев менен эки тараптуу жолугушууларды өткөрдү. Анда уюмдардын алкагындагы кызматташтыкты өнүктүрүү жана кыргыз тараптын демилгелерин ишке ашыруу маселелери каралды.