Бишкек, 10.03.26. /Кабар/. Саламаттык сактоо министри Дамир Осмонов Кыргыз-Түрк достук ооруканасынын ишмердүүлүгү менен таанышты. Бул тууралуу ведомстводон билдиришти.
Иш сапардын алкагында министр медициналык жардамдын уюштурулушун, жогорку технологиялуу дарылоо багыттарын жана оорукананын санариптик мүмкүнчүлүктөрүн көрүп чыкты.
Белгилей кетсек, 2023-жылдан бери түрк адистери менен биргеликте 16 бейтапка бөйрөктү трансплантациялоо операциясы ийгиликтүү жасалды. Учурда кезектеги операцияларга бейтаптарды даярдоо иштери жүргүзүлүүдө.
Ооруканада медициналык маалыматтарды башкаруунун электрондук системасы толук киргизилген. Бул система дары-дармектерди эсепке алууну, документ иштерин жана дарылоо процессин ыкчам координациялоону камсыз кылат.
Ошондой эле министр кардиология кызматын жана заманбап ангиографиялык операциялык бөлүмдү карап чыкты.
