Бишкек, 18.05.25. /Кабар/. 17-майда I категориядагы курулуш объектилерин ири масштабдагы текшерүү иштери башталды. Бул тууралуу Курулуш, архитектура жана турак-жай коммуналдык чарба министрлигинен билдиришти.
Текшерүүнүн жүрүшүндө курулушта эмгек коопсуздугунун талаптарынын бузулушу аныкталды. Айрым объектилерде иш жүргүзүү долбоорлору жок, курулуштун башкы пландары илинген эмес жана техника коопсуздугу боюнча нускама өткөрүү үчүн атайын жайлар уюштурулган эмес. Мындан тышкары, объектилерде эмгекти коргоо боюнча көрнөк-жарнактар коюлганбагандагы аныкталды.
Жыйынтыгында курулуш компанияларынын өкүлдөрүнө аныкталган мыйзам бузууларды үч күндүн ичинде жоюу тууралуу көрсөтмөлөр берилди.
Рейддик текшерүүлөр уланууда.
