Бишкек, 05.03.26. /Кабар/. Курулуш, архитектура жана турак жай-коммуналдык чарба министрлигине 18 кызматтык унаа жана 2 атайын көчмө лабораториялык техника берилди. Бул тууралуу ведомстводон маалымдашты.
Унааларды министрлер кабинетинин төрагасы Адылбек Касымалиев министрликтин коллегиялык жыйынынын алкагында тапшырды.
Курулуш министри Нурдан Орунтаев көчмө лабораториялар курулуш объекттериндеги материалдардын сапатын жеринде текшерүүгө шарт түзөрүн белгиледи. Бул техникалык көзөмөлдү күчөтүүгө жана коопсуздук талаптарынын так сакталышын камсыз кылууга багытталган.
"Ал эми унаалар министрликтин түзүмдүк бөлүмдөрүнүн ишин ыкчамдатуу жана материалдык-техникалык базаны чыңдоо үчүн пайдаланылат", - деди министр.
