Бишкек, 30.05.25 /Кабар/. Бүгүн эртең менен Тынч океандын Курил аралынын жээгинде күчү 5,6 баллга жеткен жер титирөө катталды. Бул тууралуу РИА Новости Южно-Сахалинск сейсмикалык станциясынын маалыматына таянуу менен жазды.
“30-майда саат 09:22де Тынч океанда күчү 5,6 баллга жеткен жер титирөө болду. Анын очогу Шикотан аралындагы Малокурильское айылынан 65 чакырым түштүк-чыгышты карай, очогу 36 чакырым тереңдикте болгон”, - деп айтылат маалыматта.
Агенттиктин маалыматына караганда, жер титирөө Шикотанда 4-5 баллга, Кунашир аралында 3 баллга чейин сезилген.
