Бишкек, 13.06.25. /Кабар/. Бишкек шаарынын Октябрь районунун Токомбаев көчөсүндө жайгашкан көп кабаттуу үйдүн 2-кабатында электр калканынан чыккан өрт саат 13:19да толук өчүрүлдү.
Өзгөчө кырдаалдар министрлигинин маалыматына ылайык, өрттү өчүрүүгө жалпы 3 бөлүм жана штаб тартылган.
Өрттүн кесепетинен 54 жаштагы эркек киши түтүнгө ууланып, тез жардам кызматы тарабынан биринчи медициналык жардам көрсөтүлгөн. Абалы жакшы.
