Бишкек, 11.09.25 /Кабар/. Нарын облусунун Кочкор айылында заманбап талаптарга жооп берген жаңы автобекеттин курулуш иштери активдүү жүрүп жатат.
Курулуш министрлигинен билдиришкендей, долбоор республикалык бюджеттин эсебинен каржыланууда. Объекттин жалпы наркы 394 миллион сомду түзөт.
Жаңы автовокзалдын жалпы аянты 14 469 чарчы метрди түзүп, ал эки кабаттуу болуп курулууда.
Курулуш иштери заманбап стандарттарга ылайык жүргүзүлүп, жүргүнчүлөр үчүн ыңгайлуу шарттарды жана жогорку коопсуздукту камсыздоого багытталган.
