Бишкек, 05.06.26 /Кабар/. Кочкор районунда жаңы спорт комплекси курулууда. Бул тууралуу Курулуш, архитектура жана турак жай-коммуналдык чарба министрлигинен билдиришти.
Курулуш иштери "Кыргызкурулуш" мамлекеттик ишканасы тарабынан жүргүзүлүп, долбоор президенттин турукташтыруу фондунан каржыланууда.
Башкы планга ылайык, спорт комплекси жалпы аянты 1433 чарчы метрди түзгөн эки кабаттуу имарат болот. Анда 230 көрүүчүгө ылайыкталган күрөш жана бокс залдары, машыктыруучулардын кабинети, ошондой эле бардык шарттары каралган спортчулардын жатак бөлмөлөрү жайгашат.
Учурда курулуш 45 пайызга бүткөрүлдү.
