Бишкек, 07.08.26. /Кабар/. Нарын облусунун башчысы Нурбек Сатаров Кочкор районуна 2 атайын техниканы тапшырды.
Өкүлчүлүктөн билдиришкендей, техникалар президенттин Турукташтыруу фондунун жана Нарын облусунун "Теңир-Тоо" өнүктүрүү фондунун эсебинен алынган.
"Жалпысынан райондун айылдары үчүн 11 атайын техника сатып алуу пландалган. Анын 5 даанасы президенттин Турукташтыруу фондунун, ал эми 6 даанасы "Теңир-Тоо" өнүктүрүү фондунун каржылоосу менен алынат", - деди Сатаров.
Жаңы техникалар айыл аймактарындагы коммуналдык жана башка инфраструктуралык иштерди жүргүзүүгө багытталат.
