Бишкек, 21.02.25. /Кабар/. Көк-Мойнок-Кубакы жолундагы жол белгилер алмаштырылып, таштандылар тазаланды.
Транспорт министрлигинен билдиришкендей, «Кыргызавтожол-Түндүк» мамлекеттик ишканасынын № 955 Жол тейлөө мекемеси тарабынан Көк-Мойнок-Кубакы унаа жолундагы (0-26-чакырымдар аралыгы) эскирген жол белгилерин алмаштыруу менен таштандыларды тазалоо иштери аткарылды.
Анда жолдун 0-26-чакырымдар аралыгында ыргытылган таштандылар жана башка тиричилик калдыктары чогултулду.
Белгилей кетсек, Орто-Токой суу сактагычына токтоп, жаратылышка суктанып, башкысы коопсуз жерде сүрөткө түшүү максатында атайын тосмолор тосулган жайдын (фотозона) айланасы таштандыга тез толгондуктан байма-бай тазаланып турат.
Ошондой эле, тазалоо иштери Бишкек-Нарын-Торугарт унаа жолунун 221-270-чакырымдар аралыгында да аткарылды.
"Мындан улам, Транспорт жана коммуникциялар министрлиги жарандарды табият менен таттуу мамиледе болуп, жолго таштанды таштабоого чакырат",-деп айтылат маалыматта.
