Бишкек, 14.06.25. /Кабар/. Аксы районунун Кербен шаарыные Жайык участкасында "Орбита Глэмпинг" туристтик жайы ачылды. Бул тууралуу президенттин Жалал-Абад облусундагы өкүлчүлүгүнөн билдиришти.
Иш-чарага президенттин өкүлүнүн орун басары Урматбек Самаев, район акими Максатбек Саргазаков, айыл тургундары, Ош облусу жана коңшу Өзбекстандан келген коноктор жана туристтер катышты.
“Глэмпинг” – бул жаратылышка жакындыкты жоготпой, бир эле учурда ыңгайлуу жана кооз эс алуу мүмкүнчүлүгүн тартуулаган жаңы туризм маданияты болуп саналат. Бул демилге – туризмди өнүктүрүү менен бирге келген меймандар үчүн ыңгайлуу шарт түзүү ишке ашкан.
Белгилей кетсек, аталган жайда жалпы беш даана Глэмпинг үйлөрү курулуп, ага 9 млн сомдон ашуун каражат жумшалган. Долбоор “Коомчулукту өнүктүрүү жана инвестициялоо агенттиги” (АРИС) тарабынан каржыланган.
