Бишкек, 10.08.26. /Кабар/. VI Дүйнөлүк көчмөндөр оюндары жана ШКУ саммитине карата Бишкекте Свердлов районунда үч фан-зона уюштурулат. Бул тууралуу мэриядан билдиришти.
Маалыматка ылайык, анда заманбап LED-экрандар орнотулуп, Дүйнөлүк көчмөндөр оюндарынын ачылыш аземин жана ШКУ саммитинин негизги иш-чараларын түз эфирде көрсөтүүгө шарт түзүлөт.
Фан-зоналар жайгаша турган даректер:
- "Алга" спорт комплекси – Үсөнбаев көчөсү, 200/1;
- №66 орто мектеп – Чыгыш-5 кичи району, 1а;
- №21 орто мектеп – 1-Энесай көчөсү, 1.
Ошондой эле фан-зоналарда маданий жана көңүл ачуучу программа даярдалат. Муну менен катар тогуз коргоол, чүкө, беш таш сыяктуу улуттук оюндар жана башка кызыктуу интерактивдүү иш-чаралар өткөрүлөт.
