Бишкек, 05.06.26 /Кабар/. Министрлер кабинетинин төрагасы, Кыргыз футбол биримдигинин президенти Адылбек Касымалиев алдыдагы эл аралык беттештерге чейин Кыргызстандын футбол боюнча улуттук курама командасы менен жолугушту.
Белгилей кетсек, 6-июнь жана 9-июнь күндөрү Кыргызстандын улуттук курама командасы ФИФАнын июнь күндөрүнүн алкагында Палестинанын улуттук курама командасына каршы эки эл аралык жолдоштук беттеш өткөрөт.
Адылбек Касымалиев футболчуларга жана машыктыруучулар штабына алдыдагы беттештерде ийгилик каалап, алардын кесипкөйлүгүнө жана эл аралык аренада Кыргызстанды татыктуу көрсөтүүгө умтулуусуна ишенимин билдирди.
