Бишкек, 04.03.25. /Кабар/. Бүгүн Кара-Кулжа районунун Кара-Кулжа айылдык аймагындагы А.Юсупов атындагы орто мектебинде өрттүк-тактикалык окуу өттү.
Өзгөчө кырдаалдар министрлигинен билдиришкендей, иш-чаранын алкагында мектептин 12 мугалими жана 274 окуучусу өрт өчүрүүчү автоунаанын жабдуулары менен таанышып, өрт өчүрүү иштери боюнча практикалык көрсөткүчтөргө күбө болушту.
"Бул окуу билим берүү мекемелериндеги коопсуздук маданиятын жогорулатууга жана өрттүн алдын алуу боюнча практикалык көндүмдөрдү өркүндөтүүгө багытталган",-деп айтылат маалыматта.
