Бишкек, 04.11.25. /Кабар/. ТАСС агенттигинин маалыматына ылайык, адистер Камчаткага жакын жерде бир күндө экинчи ирет орун алган жер титирөөнү катташкан, анын күчү 6,3 баллды түзгөн.
Жер титирөө Москва убактысы боюнча саат 7:45те, Петропавловск-Камчатскийден 158 км алыстыкта болуп, эпицентри 38,2 км тереңдикте болгон. Регионалдык борбордо жер титирөөнүн күчү Рихтер шкаласы боюнча 4,0 баллга бааланган.
"Бир саат мурун 6,2 баллга жеткен жер титирөө болгон. Цунами коркунучу жөнүндө эч кандай билдирүү болгон эмес", - деп айтылат билдирүүдө.
