Бишкек, 17.11.25. /Кабар/. Түркиянын Жээк күзөт кызматы Измир провинциясындагы Сеферихисар районунун жээгинде 34 мыйзамсыз мигрантты куткарды. Бул тууралуу Anadolu Ajansi маалымат агенттигине шилтеме берүү менен Казинформ жазып чыкты.
Жээк күзөт кызматынын расмий сайтындагы маалыматка ылайык, мигранттарды ташыган кайыктын кыймылдаткычынын иштебей калышынан улам деңизде калып калган.
Кырсык тууралуу билдирүү түшкөндөн кийин, аймакка куткаруучу кайык жөнөтүлгөн.
Куткарылган 34 кишинин ичинде 14 баланы да жээкке жеткиришкен.
Мындан тышкары, Мендерес районунда дагы Жээк коопсуздугунун кызматкерлери 7 мыйзамсыз мигрантты, анын ичинде өспүрүмдөрдү кармашкан.
Бардык процедуралар бүткөндөн кийин, мигранттар кошумча чараларды көрүү үчүн аймактык миграция кызматына өткөрүлгөн.
