Бишкек, 22.01.26. /Кабар/. Күн мурун Агартуу министрлигинде инклюзивдик билим берүүнү жакшыртуу маселелерине арналган жумушчу жыйын өттү.
Ведомстводон маалымдашкандай, иш-чарага министр Догдуркүл Кендирбаева, анын орун басары Надира Жусупбекова, Т. Эрматов атындагы музыкалык-педагогикалык институттун мугалимдери жана билим берүү тармагындагы эксперттер катышты.
Иш-чаранын жүрүшүндө музыкалык-педагогикалык институттун мугалими Салтанат Агзымова кыргызстандык делегациянын Португалия жана Литва өлкөлөрүнө жасаган иш сапарынын жыйынтыгы боюнча презентация жасап, аталган мамлекеттердеги инклюзивдик билим берүүнүн алдыңкы тажрыйбалары менен тааныштырды.
Ошондой эле эл аралык тажрыйбаны Кыргызстандын инклюзивдик билим берүү системасына адаптациялоо мүмкүнчүлүктөрү талкууланды.
Жыйындын соңунда министр инклюзивдик билим берүүнү өнүктүрүүгө багытталган бир катар тапшырмаларды берди.
