Бишкек, 18.11. 25. /Кабар/. Индия октябрь айында 14,72 млрд долларлык алтын импорттоду. Бул тууралуу The Hindu гезити билдиргенин Интерфакс жазды.
Маалыматка караганда, бул көрсөткүч 2024-жылдын октябрь айына салыштырмалуу үч эсеге, 2025-жылдын сентябрь айына салыштырмалуу 1,5 эсеге жогору.
Муну менен тарыхый рекорд жаралуу алдында турат.
Индиянын Соода жана өнөр жай министринин орун басары Раджеш Агравал дүйнөлүк баалардын өтө жогору болгонуна карабастан, октябрь айында алтын импорту өстү деп белгилеген.
"Күмүштүн өсүшү да байкалды. Күмүш импорту 6,3 эсеге өсүп, 2,72 млрд долларга жетти", - деди ал.
2025-жылдын 10 айында Индия 50,74 млрд долларлык алтын импорттогон, бул өткөн жылдын ушул мезгилине салыштырмалуу 17%га көп.
Индия дүйнөдөгү эң ири алтын керектөөчүлөрдүн бири болуп саналат жана өзү дээрлик алтын өндүрбөйт.
