Бишкек, 23.09.25. /Кабар/. Европада былтыркы жайдын ысыгында 60 миңден ашык адам көз жумду. Бул тууралуу Nature илимий журналына жарыяланган изилдөөгө таянып, Известия жазды.
Маалыматка караганда, изилдөөдө 2022-2024-жылдардагы жайкы мезгилдеги ысык аптап менен байланышкан өлүмдүн көрсөткүчү бааланган.
“Биз документте 62,7 миң өлүм учурун санаганыбызды белгиледик. Бул 2024-жылдагы ысык аба ырайы менен байланышкан”, - деп айтылат изилдөөнүн кириш сөзүндө.
Изилдөөдө белгиленгендей, бул көрсөткүч 2023-жылга салыштырмалуу жогору, анда 50 миңден ашык адам каза тапкан. Бирок 2022-жылдагыга караганда аз, анткени ал жылдагы ысык аптап 68 миң кишинин өмүрүн алган.
