Бишкек, 14.10.25 /Кабар/. Бишкек шаардык ден соолукту чыңдоо борборунун дарыгерлери эмчек рагынын алдын алуунун жолдору тууралуу айтып беришти.
Дарыгерлер эмчек аялдын денесинин эң аялуу жерлеринин бири катары өзгөчө кам көрүүнү талап кылаарын баса белгилешет.
«Көптөгөн аялдар эмчек рагы сыяктуу оор оорулар тууралуу ойлонгусу келбейт. Бирок коркунуч факторлорун билүү жана ден соолугуңузга этият мамиле кылуу оорунун мүмкүнчүлүгүн олуттуу азайтууга жардам берет.
Статистика боюнча, «Акыркы жолу качан маммологдон текшерүүдөн өттүңүз?» деген суроого аялдардын көбү «Эч качан» деп жооп беришет. Өзүңө карата мындай мамиле болбойт. Жада калса эмчектин чыңалуусу жана этек кирдин алдындагы ыңгайсыздык, бир аз бүдүрлөр же эмчектен суюктук агып кетүү болсо доктурга кайрылууга себеп болот», - деп баса белгилешти.
Белгиленгендей, көйгөйлөрдүн себептери катары калкан бездин оорулары, үстүбүздөгү бездердин оорулары, стресстер, гормоналдык препараттарды жана контрацептивдерди колдонуу да болушу мүмкүн.
Тобокелдиктерди кантип азайтуу керек?
Жаракат алуудан сак болуңуз. Жеңил сокку дагы катуу жарака жаралышына алып келиши мүмкүн, ал кийинчерээк безге айланышы мүмкүн. Машинада коопсуздук курун тагыныңыз, көпчүлүктө жүргөнжө эмчекти коргоп жүрүңүз — өзүңүздү караңыз.
Күндүн таасирине этият болуңуз
Күн жана солярий патологиялардын өсүшүнө себеп болушу мүмкүн. Терини крем менен коргоңуз, күнгө болгону коопсуз сааттарда чыгыңыз — саат 12:00гө чейин жана 17:00дөн кийин.
Тамак-ашыңызга көңүл буруңуз
Тамеки жана алкоголду таштаңыз. Тамеки жана спирт ичимдиктерин таштагыла. Рационуңузга С, А жана Е витаминдерине бай тамактарды, ошондой эле балык, деңиз азыктары, сарымсак кошуңуз. Бул заттар организмдин коргоо функциясын күчөтүүгө жардам берет.
Эмчекке кам көрүү жана энелик милдеттер
Изилдөөлөргө ылайык, баланын төрөлүшү жана эмизүү эмчек рагынын өнүгүү коркунучун азайтат.
Туура ички кийим тандаңыз
Бюстгальтер өлчөмгө туура келип, эмчекти кыспаш керек. «Push-up» эффекттүү моделдерди көп колдонбоого аракет кылыңыз.
Өзүңүздү текшерүү көндүмүн үйрөнүңүз
Айына бир жолу эмчекти манжа менен текшерүү катууларды, шишиктерди, теринин өзгөрүүлөрүн байкоого жардам берет. Муну циклдин биринчи күнү жасоо жакшы. Өзгөрүүлөр болсо, адистерге кайрылыңыз.
