Бишкек, 06.12.25. /Кабар/. "Ала-Арча" көрүстөнүндө Кыргызстандын эл сүрөтчүсү, белгилүү сценограф жана живописчи Макен Сыдыкбаевдин элесине арналган эстелик орнотулду. Бул тууралуу Маданият, маалымат жана жаштар саясаты министрлигинен билдиришти.
Иш-чарага маданият министринин орун басары Аскаралы Мадаминов, маданият кызматкерлери, чыгармачыл чөйрөнүн өкүлдөрү жана маркумдун жакындары катышты.
Макен Сыдыкбаев (1937–2023) – кыргыз театр искусствосунун өнүгүшүнө чоң салым кошкон көркөм жетекчи, сахна эстетикасынын жаңы деңгээлин калыптандырган белгилүү сүрөтчү. Анын сахналык иштеринин жана көркөм эмгектеринин басымдуу бөлүгү улуттук театрдын көркөм деңгээлин жогорулатып, кийинки муундардын чыгармачылык өнүгүшүнө өбөлгө түзгөн.
Маданият, маалымат жана жаштар саясаты министрлиги
