Ысык-Көл, 03.09.26. /Кабар/. Жогорку Кеңештин төрагасы Марлен Маматалиев баштаган депутаттар Кырчын жайлоосундагы Ош ордосу этношаарчасына келишип, Ош шаары уюштурган маданий программа менен таанышты.
Мэриядан билдиришкендей, этношаарчада меймандарга сынактарга тигилген салттуу боз үйлөр, кол өнөрчүлүк, зер буюмдар, улуттук кийимдер жана турмуш-тиричилик буюмдары көрсөтүлдү. Ошондой эле кыргыздын каада-салты, элдик ыр-күүлөр, чыгармачылык номерлер жана улуттук оюндар тартууланды.
- “Депутаттар боз үйлөрдү кыдырып, кол өнөрчүлөрдүн эмгеги менен жакындан таанышып, улуттук нарк-насил тууралуу кенен маалымат алышты. Жылуу маанайда өткөн иш-чара коноктордо жагымдуу таасир калтырды“,–деп айтылат маалыматта.
