Бишкек, 17.11.25. /Кабар/. Египет туристтер үчүн виза акысын көбөйтүүнү пландоодо. Бул тууралуу Masrawy порталы билдиргенин, Интерфакс кабарлайт.
Маалыматка ылайык, Египет парламенти консулдук акыны көбөйткөн жана кирүү визасынын баасын дээрлик эки эсеге жогорулаткан мыйзам долбооруна түзөтүүлөрдү жактырды.
Мыйзам долбоору Тышкы иштер министрлиги тарабынан Египеттин сыртында да, өлкөнүн ичинде да көрсөтүлгөн кызматтар үчүн акыны көбөйтүүгө багытталган. Парламент тарабынан бекитилген беренеде Египет бийлиги тарабынан кирүү пункттарында берилген ар бир кирүү же транзиттик виза үчүн 20 доллардан же чет өлкөдөгү чет элдик валютадагы эквиваленттен ашпаган акы каралган. Буга ошондой эле Египеттин чет өлкөлөрдөгү элчиликтери жана консулдуктары тарабынан жарандарга көрсөтүлгөн ар кандай кызматтар кирет.
